Pri mia blogo : kategorioj kaj serioj

La plej diligentaj legantoj jam vidis ke mi kreis kategoriojn en mia blogo. Dekstre, sub la listo de antaŭaj blogeroj, vi trovos la titolojn de tiuj antaŭaj blogeroj klasitaj per fako. Nuntempe ekzistas jam kelkaj fakoj. Laŭ la sekvontaj blogeroj mi kreos novajn kategoriojn. Ju pli mi verkos blogerojn des pli la fakkategorioj devos esti precizaj. Fakte la kategorioj devas esti praktika ilo por legantoj, kiuj deziras trovi apartan informon. Eblus ke blogero ĉeestos en du diversaj kategorioj se ĝi mem rilatas al du diversaj fakoj.

La kategorioj permesos al mi pli facile krei seriojn. Ekzemple, ĉiuj blogeroj pri miaj ferioj en Queyras konstitigas serion. Mi do ordigis ilin sub la sama titolo en la dekstra kolumno. Mi nun ŝatus krei du novajn seriojn. Mi deziras rakonti al esperantlingvaj legantoj mian vojaĝon ĝis Libano en 2004-2005. Mi tamen ne deziras traduki tute mian antaŭan blogon aŭ mian vojĵurnalon (ĉar ili longegas kaj ne estas ĉiam interesaj). Male, verki mallongaj tekstojn pri lokoj kiuj mi vizitis interesas min.

Do, mi opinias ke mi baldaŭ skribos pri du temoj :

- unue, pri la vidindaĵoj estantaj mondaj heredaĵoj de Unesko ke mi vizitis (sume dek kvin)
- due, pri aliaj vidindaĵoj, kiuj gravas, belaspektas aŭ agrablas eĉ se ili ne estas konataj de Unesko.