Goražde

Goraĵde estas urbo de Bosnio. Gxi ankaŭ estas bildstrio de Joe Sacco. Malt-devena usonano, Joe Sacco estas ĵurnalisto kiu ĉeestis la militon en Bosnio en 1995. Li jam famiĝis kiam li verkis Palestine post restado meze de Palestinanoj. Tiu unua verko kiu aperas per du volumoj (Palestino, okupata nacio kaj Palestino, en la Gaza sektoro) konsistigas bonegan raportaĵan bildstrion, kies la plej fama ero de tiu ĝenro estas Maus de Art Spiegelman.

Goražde estas kroniko de la restado de Joe Sacco en tiu bosna enklavo. Li desegnis sian ĉiutagan okupon en tiu vundita urbo kaj atestaĵojn de loĝantoj kaj militistoj kiu defendis la enklavon.

La libro temas pri amasbuĉoj inter najbaroj, nutraĵmankoj por civiluloj kaj teruro sur la paflineo.

Privilegiita, Joe Sacco povis forlasi la sieĝita urbo per la humana koridoro de Unuiĝintaj Nacioj ĝis Sarajevo. Li povis fuĝi sed sciis ke siaj amikoj restos tie se la enklavo falus. Tio memorigas al mi impresan filmon pri la balkana milito. Temas pri Warriors, mi nur memoras ke ĝi estas telvidfilmo de la angla kanalo BBC. La titolo rilatas al la blendaj veturiloj de Unuiĝintaj Nacioj kiuj nomiĝas tiel. La filmo rakontas la etna elpurigado laŭ la vidpunkto de britaj blukaskuloj…

Ilustraĵo : Originala kovrilo de la libro.

NB : Joe Sacco verkis alian bildstrion pri balkana milito entitolita Šoba. Šoba estas la nomo de la fixer de Joe Sacco (en ĵurnalista ĵargono, la fixer (« la fiksanto » en la angla) estas lokulo kiu helpas eksterlandan ĵurnaliston per tradukoj kaj aliaj servoj). Šoba estas pli mallonga kaj malpli impresa ol Gorazde. Eble ĉar ĝi traktas pri nur unu ulo kaj ne pri tuta popolo.